Vinnustaðurinn byrjar á því að skipa tengilið fyrir Hjólavottunina og æskilegt er að stofna teymi sem tryggir innleiðingu hjá vinnustaðnum.

Tengiliðurinn þarf að hala niður umsóknareyðublaðið og gátlistann hér fyrir ofan (sem er Excel skjal) og fylla út. Hugmyndin er þið gefið ykkur sjálfum stig með því að fylla út gátlistann samviskusamlega.

Úttektaraðili hjólavottunarinnar, Sesselja hjá Hjólafærni, fær innsendan gátlistann. Hún, heimsækir viðkomandi vinnustað í samráði við tengilið og metur hvort allar aðgerðir viðkomandi skrefa séu
fullnægjandi. Ef þarf, veitir hún einnig ráðgjöf til úrbóta fyrir vinnustaðinn.

Matið byggir á stigafjöldanum sem þið vinnið ykkur inn. Til að frá brons þarf starfstöðin að skora 25 – 49 stig, til að fá silfur þarf að fá 50 – 74 stig, til að fá gull þarf að skora 75 – 90 stig og til að ná platinum 91 – 100 stig.